„ჯანმრთელობის დაცვის შესახებ“ საქართველოს კანონის მე-15 მუხლის, „საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის N249 დადგენილებით დამტკიცებული დებულების მე-2 მუხლის „ა“ ქვეპუნქტის,  მე-3 მუხლის „ა“ ქვეპუნქტის, მე–5 მუხლის მე–2 პუნქტის „ნ“ ქვეპუნქტისა და  მე–19 მუხლის პირველი პუნქტის საფუძველზე,

ვბრძანებ:

 1.    C ჰეპატიტის ელიმინაციის პროგრამის ფარგლებში მიმდინარე სამეცნიერო აქტივობების სტრატეგიული გეგმის შემუშავებისა და აღნიშნული აქტივობების კოორდინაციის მიზნით შეიქმნას სამეცნიერო საბჭო (შემდგომში - საბჭო) შემდეგი შემადგენლობით:

ა)

ფრანცისკო ავერჰოფი

აშშ დაავადებათა კონტროლის ცენტრის გლობალური ჯანდაცვისა და ვირუსული ჰეპატიტების დივიზიის ასოცირებული დირექტორი, საბჭოს თავმჯდომარე;

ბ)

ამირან გამყრელიძე

საქართველოს შრომის, ჯანმრთელობისა და სოციალური დაცვის სამინისტროს (შემდგომში - სამინისტრო) სახელმწიფო კონტროლს დაქვემდებარებული – სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის (შემდგომში - ცენტრი) გენერალური დირექტორი, საბჭოს თანათავმჯდომარე;

გ)

პაატა იმნაძე

ცენტრის გენერალური დირექტორის მოადგილე მეცნიერების დარგში, ლუგარის საზოგადოებრივი ჯანმრთელობის კვლევითი ცენტრის ხელმძღვანელი, საბჭოს წევრი;

დ)

ეკატერინე ადამია

სამინისტროს ჯანმრთელობის დაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსი, საბჭოს წევრი;

ე)

მაია წერეთელი

ცენტრის აივ/შიდსის, ტუბერკულოზის, სქესობრივი გზით გადამდები დაავადებებისა და ჰეპატიტების სამმართველოს უფროსი, საბჭოს წევრი;

ვ)

ანა ასლანიკაშვილი

ცენტრის აივ/შიდსის, ტუბერკულოზის, სქესობრივი გზით გადამდები დაავადებებისა და ჰეპატიტების სამმართველოს უფროსი სპეციალისტი, საბჭოს წევრი;

ზ)

თენგიზ ცერცვაძე

შპს ქართულ-ფრანგული ერთობლივი ჰეპატოლოგიური კლინიკა ,,ჰეპას“ გენერალური დირექტორი, საბჭოს წევრი;

თ)

ნიკოლოზ ჩხარტიშვილი

სს „ინფექციური პათოლოგიის, შიდსისა და კლინიკური იმუნოლოგიის ს/პ ცენტრი“-ს გენერალური დირექტორის მოადგილე სამეცნიერო დარგში, საბჭოს წევრი;

ი)

ჯაბა ზარქუა

სამედიცინო ცენტრი შპს „მრჩეველი“, ექიმი-გასტროენტეროლოგი, საბჭოს წევრი;

კ)

გიორგი კამკამიძე

შპს ,,ნეოლაბის“ დირექტორი, საბჭოს წევრი;

ლ)

ბეტ სკაგსი

აშშ დაავადებათა კონტროლის ცენტრის სამხრეთ კავკასიის ოფისის დირექტორი, საბჭოს წევრი;

მ)

მუაზამ ნასრულა

აშშ დაავადებათა კონტროლის ცენტრი გლობალური ჯანდაცვისა და ვირუსული ჰეპატიტების დივიზიის სამედიცინო სპეციალისტი, საბჭოს წევრი;

ნ)

ლია ღვინჯილია

აშშ დაავადებათა კონტროლის ცენტრი, აშშ დაავადებათა კონტროლის ცენტრის სამხრეთ კავკასიის ოფისის კონტრაქტორი/მონიტორინგისა და შეფასების მენეჯერი, საბჭოს წევრი;

ო)

თინათინ ქუჩულორია

აშშ დაავადებათა კონტროლის ცენტრი, აშშ დაავადებათა კონტროლის ცენტრის სამხრეთ კავკასიის ოფისის კონტრაქტორი/სამეცნიერო კოორდინატორი, საბჭოს მდივანი.

        2.  საბჭო უფლებამოსილია:

ა)  მოიწვიოს და საკონსულტაციო პროცესში ჩართოს დამატებით ექსპერტები, C ჰეპატიტის ელიმინაციის სტრატეგიისა და სახელმწიფო პროგრამის შემუშავებისა და იმპლემენტაციის პროცესში მონაწილე მოხელეები, ასევე, საერთაშორისო და ადგილობრივი არასამთავრობო ორგანიზაციების წარმომადგენლები.

                3.      საბჭოს ამოცანებია:

        ა) C ჰეპატიტის მიმართულებით სამეცნიერო სამუშაოების პრიორიტეტების განსაზღვრა;

        ბ) C ჰეპატიტის მიმართულებით შემოთავაზებული სამეცნიერო   ნაშრომების/პროექტების/კვლევების  განხილვა  წინასწარ  დადგენილი  ფორმატით  და  დადებითი  ან  უარყოფითი გადაწყვეტილების  მიღება;

       გ) C ჰეპატიტის ელიმინაციის ეფექტური განხორციელებისათვის საერთაშორისო თანამშრომლობის, ასევე, სხვადასხვა საერთაშორისო ღონისძიებებზე წარსადგენი მასალების მომზადების ხელშეწყობა.

4. საბჭოს ხელმძღვანელობს თავმჯდომარე, ხოლო მისი არყოფნის შემთხვევაში თანათავმჯდომარე, ან თავმჯდომარის მიერ დელეგირებული პირი.

         5. საბჭოს სხდომები იმართება საჭიროებისამებრ, არანაკლებ წელიწადში 6-ჯერ. თავმჯდომარის გადაწყვეტილებით, გადაუდებელი საჭიროების შემთხვევაში, შეიძლება გაიმართოს დამატებითი სხდომები.

             6. საბჭოს რეკომენდაციები მიიღება კენჭისყრით, საბჭოს წევრთა ხმათა უმრავლესობით. კონსენსუსის ვერ მიღწევის შემთხვევაში გადამწყვეტი  ხმის უფლებას იყენებს თავმჯდომარე.

7. საბჭოს ორგანიზაციულ-ტექნიკურ უზრუნველყოფას ახორციელებს საბჭოს მდივანი, რომელიც უფლებამოსილია:

         ა) ორგანიზება გაუწიოს საბჭოს შეხვედრებს. შეადგინოს დღის წესრიგი, მოამზადოს შეხვედრისთვის  საჭირო  დოკუმენტაცია;

ბ) მოიწვიოს საბჭოს წევრები სხდომებზე;

გ) მოამზადოს თითოეული სხდომის ოქმი,  შეინახოს მასალები, კორესპონდენცია, პრეზენტაციები.

        

              8.   ბრძანება ძალაშია ხელმოწერისთანავე.